Davao City Mayor Sara Duterte, nagself-quarantine matapos ang pagharap nito sa CA sa Senado

Matapos magself-quarantine ang 2 senador, ay nagboluntaryo na ring magself-quarantine si Presidential daughter at Davao City Mayor Sara Duterte.

Sa inilabas na statement ng Davao City Mayors Office, sasailalim sa home quarantine ang alkalde at ilalagay ito bilang person under monitoring ng Davao City Health Office.

Magugunita na kahapon, ay nagtungo ang presidential daughter sa Senate para humarap sa Commission on Appointments (CA) para sa kanyang Ad Interim Appointment bilang Colonel reservist ng Philippine Army.

Sinabi rin ng tanggapan ng alkalde na nagkaroon ng lunch meeting si Mayor Sara kay Senador Sherwin Gatchalian sa Manila at pinag-usapan nila ang mga mahahalagang bagay para sa lungsod ng Davao.

Sa ngayon, naka-self quarantine na ang senador matapos nitong kumpirmahin na isang resource person sa naganap na Senate hearing noong nakaraang linggo ang nagpositibo sa Coronavirus Disease 2019 (COVID-19).

Nilinaw naman ng tanggapan ng alkalde na wala itong nararamdaman na anumang sintomas ng naturang virus.