Dengue cases ngayon, mas mataas ng 68% vs. 2023– DOH

May pagtaas ngayon sa dengue cases ayon sa Department of Health (DOH).

Kumpara sa 29,021 na kaso ng dengue noong Hulyo 21 hanggang Agosto 3, tumaas ito ng 25% mula Agosto 4- 17.

Ang 25% na pagtaas ay katumbas ng 36,335 dengue cases.

Sa kabuoan, mula Enero hanggang Setyembre 6, nasa 208,965 na ang dengue cases sa bansa.

Mas mataas naman ito ng 68% kumpara sa 124,157 na kaso sa kaparehong panahon noong 2023.

Nasa 546 rin ang kabuoang death toll.