Diskwalipikasyon laban kay Cagayan Gov. Mamba, hindi pa pinal – Comelec

Hindi pa matatanggal sa puwesto si Cagayan Governor Manuel Mamba.

Paglilinaw kasi ng Commission on Elections (Comelec) na hindi pa “final and executory” ang pagdiskwalipika ng Comelec 1st Division sa gobernador.

Paliwanag ni Comelec Chairmen George Erwin Garcia, maaari pang maghain ng motion for reconsideration si Mamba para mabaliktad ang naturang desisyon.

Dahil dito, mananatili pa rin aniyang gobernador ng Cagayan si Mamba at hindi pa ito puwedeng palitan sa puwesto.

Matatandaang dinisqualipika ng Comelec 1st Division si Mamba dahil sa mga paglabag sa Omnibus Election Code dahil sa umanoy maling panggamit ng pondo ng probinsya para sa 2022 national and local elections.