Eleazar, nakatakdang mag-hain ng COC sa pagka-senador

Nanumpa na bilang opisyal na miyembro ng partido reporma si Former Philippine National Police Chief Gen. Guillermo Eleazar para tumakbo bilang senador.

Inaasahang maghahain ng certificate of candidacy ngayong araw si Gen. Eleazar kung saan mismong si Partido Reporma standard bearer Sen. Panfilo Lacson ang humikayat kay Eleazar.

Samantala, nakatakda namang i-anunsyo ni Labor Secretary Silvestre Bello III ngayong araw ang kanyang pinal na desisyon kung tatakbo ba ito bilang senador o hindi.

Kaugnay nito, may dalawang kandidato na maaaring palitan ni Bello ngayong araw, ito ang kanyang kapatid na si Silvestre Bello Jr. at DOLE adviser Marianito Roque, na parehong naghain ng kandidatura sa pagka-senador noong October 8 sa ilalim ng PDP-Laban at Lakas-CMD.

Magugunitang, noong buwan pa ng mayo sinabi ni Bello na nais ni Pang. Duterte na tumakbo ito bilang senador sa 2022 general elections.