Election gun ban violators, higit 3,200 na

Umabot na sa 3,273 ang bilang ng mga lumabag sa pinaiiral na election gun ban sa bansa.

Batay ito sa datos ng Philippine National Police (PNP) ngayong Lunes, Mayo 16, 2022 matapos madagdagan ng 8 new violators.

Sa bilang ng mga lumabag, 3,141 ang sibilyan, 61 ang security guards, 23 ang pulis, 22 ang sundalo at 26 ang iba pang violators.

Nakumpiska naman ang 2,535 ang baril, 1,185 ang deadly weapons at 15,789 ang mga bala.

Nakapagsagawa na ang pulisya ng 3,068 na operasyon habang patuloy ang pagpapatupad ng gun ban hanggang Hunyo 8.