Election gun ban violators sa NCR, higit 860 na

Patuloy na nadaragdagan ang bilang ng mga nahuling lumabag sa pinaiiral election gun ban sa National Capital Region (NCR).

Batay sa datos ng Philippine National Police (PNP) ngayong Martes, Abril 5, 2022, umabot na ito sa 863.

Habang 253 sa Calabarzon, 244 sa Central Visayas, 235 sa Central Luzon at 138 sa Western Visayas.

Sa kabuuan, 2,343 ang mga lumabag sa polisiya sa buong bansa matapos madagdagan ng 10 new violators.

Nakumpiska naman ang 1,804 baril, 844 deadly weapons at 10,168 mga bala.