National News
Employed persons noong Enero 2022, naitala sa 43.02 million – PSA
Naitala sa 93.6% ang employment rate sa bansa nitong Enero 2022.
Ayon sa Philippine Statistic Authority (PSA), naitala sa 43.02 milyon ang employed persons o bilang ng may trabaho o negosyo sa bansa noong unang buwan ng kasalukuyang taon.
Ito ay bahagyang mas mataas kaysa sa naiulat noong Disyembre 2021 na nasa 93.4%.
Sinabi ng PSA na patuloy ang pagtaas ng employment rate sa loob ng 16 na buwan mula Abril 2020 – Enero 2022.
Mapapansin na nagkaroon lang ng bahagyang pagbaba noong Enero, Abril, Agosto at Setyembre 2021.