Enrile, nagsalita na sa isyu ng demosyon ni CGMA at pagkalas ni VP Sara sa Lakas-CMD

Sa kanyang programang ‘Dito sa Bayan ni Juan’ sa SMNI News noong Sabado, Mayo 21, nagbigay ng kanyang pananaw si Chief Presidential Legal Counsel Juan Ponce Enrile hinggil sa napabalitang sa liderato ng Kamara.

Nitong nakalipas na linggo ay naganap ang pagkakademote kay dating pangulo at kasalukuyang Pampanga Congresswoman Gloria Macapagal Arroyo mula sa pagiging senior deputy speaker ngayon ay deputy speaker na lang.

Sinundan din ito ng pagtiwalag ni VP Sara Duterte sa partidong Lakas-CMD kung saan si CGMA ang chairman emeritus dito habang presidente naman si House Speaker Martin Romualdez Jr.

Ayon kay Enrile, madaling sabihin ang kudeta pero mahirap gawin.

Mariin namang pinabulaanan ni CGMA ang kumakalat na balitang magkakaroon ng kudeta sa Kamara.

Samantala, inihayag naman ni Enrile na posibleng iniintriga ngayon ang pangulo at ang bise presidente.