FA-50 Jet, paliliparin ng unang babaeng fighter pilot ng Air Force

Isasabak ng Philippine Air Force ang kauna-unahang nilang babaeng fighter pilot na si First Lieutenant Jul Laiza Mae Camposano-Beran sa FA-50 fighter jet.

Ayon kay Philippine Air Force spokesperson Colonel Maynard Mariano, Kailangan na lamang ni Beran na makumpleto ang 300 oras na training at makapasa sa evaluation para mapalipad ang FA-50.

Sa katunayan, nasubukan na ni Beran na maging back-seat pilot ng FA-50.

Pero tututukan muna ni Beran ang AS-211 sa pagsasagawa ng combat missions.

Si Beran ay miyembro ng 5th Fighter Wing sa Basa Air Base sa Pampanga.