FPRRD, haharap na sa unang pagdinig sa ICC ngayong araw

Nakatakdang humarap si dating Pangulong Rodrigo Roa Duterte sa kanyang unang pagdinig sa International Criminal Court (ICC) ngayong araw, March 14, 2025.

2:00 PM sa The Hague local time ito itinakda o 9:00 ng gabi dito sa Pilipinas.

Haharap si FPRRD sa mga hukom kung saan ipapaalam sa kanya ang umano’y mga krimen na kanyang ginawa pati na rin ang kanyang mga karapatan bilang isang nasasakdal.

Hindi lingid sa kaalaman ng lahat na inakusahan ang dating Pangulo ng krimen laban sa sangkatauhan dahil sa umano’y pagkamatay ng libu-libong tao nang ipatupad niya ang drug war campaign simula taong 2016 hanggang 2022.