FPRRD, nais sumunod sa kanyang yapak si Kitty Duterte

Hinihikayat ni FPRRD ang kanyang bunsong anak na si Kitty Duterte na mag-aral at sumunod sa kanyang yapak.

Ito ang ibinahagi ng common-law wife ni FPRRD na si Honeylet Avanceña sa miting de avance ni PDP-Laban senatorial candidate Rodante Marcoleta nitong Martes, May 6, 2025.

Hindi man aniya gusto ng anak niya na pumasok sa politika, ngunit ito naman ang bilin ng dating pangulo sa kanya.

Sinabi ni Honeylet, nakikita niya na ring biglang nag-mature si Kitty matapos maaresto si FPRRD noong March 11 kaugnay ng kasong crimes against humanity sa International Criminal Court (ICC).

Si Kitty ay ipinabatid naman ang kanyang buong suporta sa senatorial candidates ng PDP-Laban at ipinanawagan sa mga kapwa Pilipino na maging matalino sa pagboto.