Global death toll dahil sa COVID-19, umabot na sa 3,203

Umabot na sa 3,203 ang bilang ng mga nasawi dahil sa Coronavirus Disease (COVID-19) sa buong mundo.

Sa nasabing bilang, 2,981 ay mula sa Maindland China na nakapagtala ng 38 na panibagong nasawi sa nakalipas na magdamag.

Nakapagtala naman ng 222 na bilang ng mga nasawi sa iba pang mga bansang infected ng virus kung saan pinakamarami ang naitala sa Italy na sinundan ng Iran, South Korea at Japan.

Umabot naman sa 93,083 ang kabuuang bilang ng naitalang kaso ng COVID-19 at mahigit 50,000 sa mga ito ay naka-recover na.