Halos 3-K pulis na may kaanak na tatakbo sa halalan, inilipat na ng pwesto

Umabot sa 2,800 na mga pulis na may kaanak na tatakbo sa BSKE ang inilipat na ng pwesto.

Ito ang inihayag ni Philippine National Police (PNP) PIO Chief Police Colonel Jean Fajardo.

Ayon kay Fajardo, layunin nitong maiwasan na maimpluwensyan ng mga pulis ang resulta ng nalalapit na halalan sa bansa.

Sakop aniya ng ipinatutupad na unit reassignment ang 4th degree of consanguinity o hanggang pinsang buo ng mga pulis.

Nauna nang sinabi ni PNP Chief Police General Benjamin Acorda Jr. na hindi kailanman dapat magkaroon ng partisan politics sa kanilang hanay upang matiyak ang integridad ng halalan.