Headline inflation sa bansa, bumilis sa 6.4% nitong Hulyo – PSA

Bumilis sa antas na 6.4% ang headline inflation o ang pagtaas ng presyo ng mga produkto at serbisyo sa bansa nitong Hulyo 2022.

Ito ay mas mataas sa 6.1% na naitala noong Hunyo 2022.

Ayon sa Philippine Statistic Authority (PSA), ang average inflation mula Enero 2022 hanggang Hulyo 2022 ay nasa antas na 4.7%.

Sinabi ng PSA na ang dahilan ng mas mataas na antas ng inflation noong nakaraang buwan ay ang mas mabilis na pagtaas ng presyo ng food and non-alcoholic beverages.

Ito ay may 6.9% inflation at 64.0% share sa pagtaas ng pangkalahatang inflation sa bansa.

Nagpakita rin ng mas mataas na inflation nitong Hunyo ang transport at ang restaurants and accommodation services.