Hepe ng Rodriguez, Rizal Police, inalis na sa pwesto

Sinibak sa pwesto ni Police Regional Office (PRO) 4A Regional Director Police Brigadier General Carlito Gaces ang hepe ng Rodriguez, Rizal Police na si Police Lieutenant Colonel Ruben Piquero.

Ito ay bilang bahagi ng command responsibility sa pagkakapatay ng kanyang tauhan na si Police Corporal Arnulfo Sabillo sa 15 taong gulang na si John Francis Ompad noong Agosto 20.

Pinalitan si Piquero ni Police Lieutenant Colonel Arnulfo Silencio.

Sinabi naman ni Piquero na malugod niyang tinatanggap ang desisyon ni General Gaces bilang bahagi ng imbestigasyon sa kaso.

Nagpapatuloy ang ginagawang pagsisiyasat ng Philippine National Police (PNP) Internal Affairs Service ang kasong administratibo laban kay Sabillo.