2,108 nasawi sa loob ng 1 araw sa US dahil sa COVID-19

Umabot sa 2,108 indibidwal ang namatay sa US sa loob lamang ng 24 na oras dahil sa coronavirus disease 2019 (COVID-19) ayon sa tala John Hopkins University.

Dahil dito, ang US ang pinakaunang bansa sa mundo na nakapagtala ng may pinakamaraming namatay dahil sa COVID-19 sa loob ng isang araw.

Kaugnay nito ang US, na may 18,586 deaths, ay malapit nang malagpasan ang 18,849 deaths ng Italy na siyang nangunguna sa may pinakamaraming bilang ng mga nasawi dahil sa COVID-19.

Sa nakalipas din na 24 oras, nakapagtala ng 35,098 na bagong kaso ng COVID-19 ang US na kasalukuyang may mahigit kalahating milyong COVID-19 cases.