Higit 32 toneladang relief goods, nakarating na sa Tagbilaran, Bohol

Nakarating na ang 32.46 tonelada ng relief goods na ipinadala ng Civil Military Operations Group ng Philippine Navy sa Tagbilaran, Bohol

Ayon kay Lieutenant Commander Niel Rafael Ybera, public affairs officer ng Naval Forces Central, sakay ito ng BRP Agta (LC 290) nang dumaong sa Tagbilaran Port kahapon.

Kabilang sa ipinadalang tulong ay mga pagkain, tubig at tolda na pansamantalang sisilungan ng mga apektadong pamilya.

Nagmula ang mga ito sa donasyon ng non-government organizations at partner stakeholders na naunang dinala ng BRP Tarlac (LD 601) galing sa Maynila para sa mga biktima ng bagyong Odette.