Hollywood couple na sina Tom Hanks at Rita Wilson, nagpositibo sa COVID-19

Kinumpirma mismo ng hollywood actor na si Tom Hanks na nagpositibo ito sa Coronavirus Disease 2019 (COVID-19) kabilang ang asawa nitong si Rita Wilson.

Kasalukayang nasa Australia ang mag-asawa nang ma-diagnosed at nagpositibo sa COVID-19.

Ayon sa Instagram post ng aktor, nakaranas sila ng panghihina, sipon, pananakit ng katawan, at lagnat kaya naman minabuti ng mga ito na magpakonsulta.

Dagdag nito na kinakailangan nilang i-solate at sumailalim sa quarantine procedures para sa mga gagawing obserbasyon at pagsusuri.

Tiniyak naman hollywood couple na susunod sila sa mga protocols ng medical officials upang hindi na lumala at kumalat pa ang virus at para na rin sa kaligtasan ng publiko.

Bumuhos naman ang mga nag-alay ng kanilang dasal para sa agarang paggaling ng dalawa.