Hostage-taker sa isang Mall sa San Juan City, nag-negatibo sa drug test

Nag-negatibo sa drug test ang suspek sa nangyaring hostage-taking sa isang mall sa lungsod ng San Juan noong Lunes, Marso 2.

Ito ang kinumpirma ni National Capital Region Police Office (NCRPO) Chief Pol. Maj. Gen. Debold Sinas matapos ang isinagawang drug test sa hostage taker na si Alchie Paray.

Ayon kay Sinas, inihahanda na rin ng San Juan Police ang pagsasampa ng patung-patong na kaso laban sa suspek na dating security guard ng Virra Mall.

Inaalam din ng pulisya kung saan at kanino galing ang baril at granada na bitbit ni Paray.

Humingi naman ng dispensa si Sinas sa mga media dahil pati ang mga ito ay naging bahagi sa negosasyon.