Hotel sa Pasig City, ginawang quarantine facility

Ginawang quarantine facility ang kilalang Dahlia Hotel sa Brgy. Oranbo, lungsod ng Pasig para sa mga persons under investigation (PUI).

Ayon kay Mayor Vico Sotto, mahalaga na may quarantine facility ang nasabing lungsod para  makontrol ang pagkalat ng Coronavirus Disease 2019 (COVID-19).

Nais din nitong maiwasan ang malagim na pangyayari sa ibang lugar kaya mas pinalakas pa nito ang kapasidad ng mga healthcare system.

Ayon pa sa alkalde, isa ito sa mga dahilan kung bakit inaayos din ang kapasidad ng Pasig City Children’s Hospital sa Brgy. Kapasigan upang makatanggap ito ng COVID-19 patients.