Huling working day ng Nobyembre, idineklara bilang “National Bike-to-Work Day”

Idineklara ni Pangulong Bongbong Marcos Jr. ang huling working day ng November bilang “National Bike-to-Work Day”.

Batay ito sa nilagdaang Proclamation No. 409 ni Executive Sec. Lucas Bersamin noong November 28, 2023.

Layunin ng pangulo dito ang mai-promote ang cycling bilang active transport ng bansa.

Upang maitaguyod rin aniya ang magandang kalidad ng hangin na makatutulong sa kalusugan ng mga tao at upang mapangalagaan na rin ang kalikasan.

Kaugnay nito ay inatasan ni PBBM ang Department of Health (DOH) na pangunahan ang paggunita ng “National Bike-to-Work Day”.