Ilang lugar sa bansa, niyanig ng Magnitude 4 na lindol kaninang umaga

Niyanig ng nasa Magnitude 4 na lindol ang ilang lugar sa bansa kaninang umaga.

Alas 8:23 kaninang umaga ng yanigin ng Magnitude 4.2 na lindol ang Agno, Pangasinan

Natukoy ang sentro ng lindol sa layong 94 kilometro Timog-Kanluran ng bayan ng Agno at may lalim na 16 kilometro.

Samantala, 4:50 kaninang madaling araw ng yanigin ng magnitude 4.2 na lindol ang Sarangani, Davao Occidental habang 5:38 ng umaga ng maramdaman ang magnitude 4.0 na lindol sa Bayan ng Siocon sa Zamboanga del Norte.

Kapwa tectonic ang origin ng lindol at wala ring naitalang pinsala matapos ang naturang mga pagyanig.