Ilocos Norte, isinailalim na sa general community quarantine

Isinailalim na sa general community quarantine ang Ilocos Norte dahil sa Coronavirus Disease 2019 (COVID-19).

Base ito sa executive order na inilabas ni Governor Matthew Marcos Manotoc.

Dahil dito, maglalagay ng checkpoints sa mga daan papasok sa probinsya gaya sa mga Badoc, Nueava Era at Pagudpud para ma-monitor ang mga pumapasok sa probinsya.

Kagabi nang inanunsyo ni Pang. Rodrigo Duterte ang enhanced community quarantine sa buong Luzon upang mapigilan ang pagkalat ng naturang sakit.

Sa ngayon, umabot na sa 142 ang kumpirmadong kaso ng COVID-19 sa bansa matapos makapagtala ng 2 panibagong kaso nito kahapon.