Imbestigasyon ng Senado sa pagdakip kay FPRRD, wala nang silbi — Bong Go

Inilarawan ni Senador Christopher “Bong” Go bilang “huli na ang lahat” ang kasalukuyang imbestigasyon ng Senado hinggil sa pagdakip at paglilipat kay dating Pangulong Rodrigo Duterte sa International Criminal Court (ICC).

Sa kanyang matinding pahayag sa Senado, tinanong ni Go kung paano at bakit nauwi sa ganitong sitwasyon ang bansa.

Ayon kay Go, mayroon naman tayong sariling batas at korte, kaya’t bakit pinayagan ng gobyerno na dakpin ang isang Pilipino sa sariling bayan.

Sa kabila ng imbestigasyon, iginiit ni Go na wala nang magagawa ang Senado upang maibalik si Duterte.