Imbestigasyon sa umano’y EJK sa war on drugs, suportado ng PNP

Tiniyak ni PNP chief Police General Guillermo Eleazar ang kooperasyon sa imbestigasyon ng Department of Justice (DOJ) sa umano’y extrajudicial killings sa kampanya kontra droga.

Ayon kay Eleazar, ang paglagda nila ng kasunduan sa DOJ ay pagpapakita ng intensyon na makipagtulungan sa pagsisiyasat sa umano’y EJK.

May 21 nang magpulong sina Eleazar at Justice Secretary Menardo Guevarra kung saan tinalakay ang pag-iimbestiga sa mga sinasabing pagpatay sa operasyon kontra droga ng pulisya.

Iginiit ni Eleazar na magiging prayoridad niya ang internal cleansing sa mga scalawag na pulis sa kanilang hanay.