In-aid of legislation hearing laban kay Pastor ACQ, kinuwestyon

May komento ang Council for the Welfare of Children (CWC) kaugnay sa nagdaang Senate probe laban sa mga isyung ipinupukol kay Pastor Apollo C. Quiboloy ng Kingdom of Jesus Christ.

Ani CWC Usec. Angelo Tapales sa kasagsagan ng Senate investigation nitong Miyerkules, October 23, “To give some context, our present laws already addressed most if not all of the matters addressed today particularly as early as 1974.”

In-aid of legislation raw ang pakay ng hearing para makapaglikha o makapag-amyenda ng batas para sa kabataan at kababaihan.

Pero ayon sa council, sapat naman ang umiiral na batas sa bansa para dito.

“PD 603 in section 59 already prohibits properly exploiting children, using them for begging and other acts inimical to their interest and welfare,” saad ni Tapales.

Giit pa ni Usec. Tapales, marami na ring umiiral na batas laban sa human trafficking.

“We have three trafficking laws already starting with the trafficking in persons act 2012 version and the 2022 amendment.”

Saad naman ni Ellene Sana, ang Executive Director ng Center for Migrant Policy, “Una, no note sa atin ang Child Labor, money laundering, trafficking, sexual exploitation, lahat po yan may batas na sumasakop.”

Kaya kwestyon ng legal counsel ni Pastor Apollo, para saan ang imbestigasyon sa KOJC spiritual leader?

“Parehas sila halos ng sinabi na we have many laws already. There might be some room for improvement pero we have so many laws already on issues that were being tackled.”

Bukod sa motibo ni Hontiveros, kinuwestyon rin ng legal team ang impartiality nito.

Pilit kasing idinidiin ni Hontiveros na totoo ang mga alegasyon sa butihing Pastor kahit na halatang 1 sided ang pagdinig dahil puro resource person lang niya ang pinagsalita.

Ani pa ni Europa, “Kung ‘yun ang sinasabi ng mga resource persons, people who are in the field, people who are involved in implementation ng mga batas na’to eh ano ang purpose ng supposedly in-aid of legislation na hearing?”

Nauna nang sinabi ni Pastor Apollo sa hearing na hindi totoo ang mga isyu laban sa kaniya.

Hinamon din niya ang mga nag-aakusa na maghain ng kaso kung totoo nga ang mga alegasyon.

Sa huli, naniniwala ang legal team na ang senate investigation ay para siraan ang butihing Pastor na ngayon ay isa sa senatorial aspirants sa 2025 mid-term elections.

Ani Atty. Israelito Torreon ang KOJC Legal Counsel, “Alam ko naman na lahat ng yun mga paratang lamang because of the political season, because of the political divisiveness that we have in our country today. But at the end of the day, as long as the sun rises in the east, justice will prevail.”