Internet, mas bumilis ngayong kung ikukumpara noong July 2019 ayon sa Ookla

Kinumpirma ni National Telecommunications Commission (NTC) Deputy Commissioner Edgardo V. Cabarios na mas bumilis ngayong taon ang internet kung ikukumpara noong July 2019.

Ayon pa kay Cabarios, ito ay base sa Ookla Speed Test kung saan ang ranking ng Pilipinas sa mobile internet ay umangat mula sa lampas 100 ngayon ay nasa ika-75 na pwesto na.

Kaya naman, sinabi ni Commissioner Edgardo na malaki ang improvement sa internet speed ng bansa.

Aniya, ito ay dahil pinabilis ng gobyerno ang pagproseso ng pagkuha ng permit ng mga kumpanya para makapag-patayo ng mga cell tower, maging ang mga bidding para sa mga fiber.

Ani Commissioner Cabarios, dumami ang mga facility ng mga telecommunications company at tumaas ang kapasidad ng mga ito na mag-offer ng mas mabilis na internet.