Isang taong contingency plan, ipinanawagan ni Sen. Gatchalian sa DA

Ipinapanawagan ngayon ni Sen. Sherwin Gatchalian sa Department of Agriculture (DA) na magsagawa ng contingency plan para sa buong taon.

Ito ang naging suhestyon ng senador sa isang pahayag,

Aniya, kailangang masiguro ng ahensiya na may sapat na suplay na bigas ang bansa hindi lamang sa panahon ng enhanced community quarantine bagkus hanggang matapos ito.

Giit pa ng senador na sa ngayon pa nga lang ay nagkakaubusan na ng stock ng bigas.

Ibinahagi din nito ang naging karanasan na nito sa Valenzuela na wala silang natanggap na tulong mula sa National Food Authority (NFA).

“Ngayong nasa gitna tayo ng isang krisis, ang isa sa pinaka importanteng magagawa ng ating gobyerno ay siguruhin na may sapat sa hapag kainan ang bawat pamilyang Pilipino. Pero sa nakikita natin ay mayroon nang nangyayaring rice shortage.”