Maine Mendoza, kabado sa kanyang bagong kanta

Kabado si Maine Mendoza ngayon dahil inilabas na ng Universal Records ang una niyang single na “Parang kailan lang”.

Sa isang panayam kay Maine, kabado sya dahil hindi niya alam kung magiging patok sa kanyang mga fans ang mga kanta pero ipinagdarasal nya itong tangkilikin ng mga tao.

Matatandaang nakapag-record na si Maine ng kantang ginamit na theme song para sa movie nila ni Alden Richards na “Imagine You and Me” na siyang nagbigay ideya sa Universal Records na gawan siya ng album.

Kaya naman noong 2018, pormal nang pumirma ng recording contract si Maine sa ilalim ng Universal Records.

Sa kanyang bagong single, makaka-collaborate nya ang electro pop rock band na Gracenote.