KAMANDAG Exercise 2022, pormal nang nagbukas

Pinangunahan ni Philippine Navy acting flag-officer-in-command Rear Admiral Caesar Bernard Valencia ang pagbubukas ng KAMANDAG Exercise 2022 sa pagitan ng Philippine Marine Corps at US Marine Corps.

Ginawa ang seremonya sa Philippine Navy Officers Club, Bonifacio Naval Station, Taguig City kahapon, Oktubre 3.

Isasagawa ang pagsasanay sa iba’t ibang bahagi ng Luzon na tatagal hanggang Oktubre 14.

Lalahukan ito 530 tauhan ng Philippine Marines, 100 tauhan ng Philippine Navy at Philippine Air Force at 2,550 tauhan ng US Marines.

Kabilang sa gagawin nila ay ang Special Operations, Coastal Defense Capability, Humanitarian Assistance and Disaster Response (HADR) Operations, at Chemical, Biological, Radiological, at Nuclear Operations.

Sa kauna-unahang pagkakataon, magsisilbi bilang observer ang Japan Ground Self-Defense Force at Republic of Korea Marine Corps.