Kaso ng COVID-19 sa bansa, umabot na sa 5,223

Lagpas 5,000 na ang bilang ng mga nagpositibo sa Coronavirus Disease 2019 (COVID-19) sa Pilipinas.

Sa pinakahuling tala ng Department of Health (DOH), as of alas-4 ngayong hapon, umabot na sa kabuoang 5,223 kaso na sa bansa kung saan 291 na panibagong kaso ang naitala sa nakalipas na 24 oras.

Tumaas naman sa 295 indibidwal ang gumaling sa sakit na may 53 bagong nakarekober.

Nadagdagan naman ng 20 ang bilang ng mga nasawi na kasalukuyang nasa 335 na ang kabuoang bilang.