Kaso ng dengue sa Pilipinas, mahigit 118,000 na

Pumalo na sa kabuuang 118,785 ang naitalang kaso ng dengue sa Pilipinas mula Enero 1 – Agosto 13, 2022.

Ito ay 143% na mas mataas kumpara sa 48,867 na mga kaso na naitala sa kaparehong panahon noong 2021.

Ayon sa , karamihan ang dengue cases ngayong taon o 18% ay naiulat sa Central Luzon na may 21,247 sumunod ang Central Visayas na may 11,390 cases at National Capital Region (NCR) na may 11,064.

Kabuuang 19,816 dengue cases naman ang naitala mula Hulyo 17 hanggang Agosto 13.

Habang umakyat na sa 400 ang naitalang nasawi dahil sa dengue na may 0.3% case fatality rate.

Sinabi ng DOH na anim sa 17 rehiyon ang lumampas na sa epidemic threshold para sa dengue sa nakalipas na apat na linggo o mula Hulyo 17 hanggang Agosto 13.