Kaso ng leptospirosis, aasahang tataas dahil sa nagdaang bagyo

Aasahang tataas ang kaso ng leptospirosis sa loob ng dalawang linggo kasunod ng pananalasa ng bagyong Kristine.

Ayon sa Department of Health (DOH), mababa pa sa kasalukuyan ang kaso ng leptospirosis subalit ito nga’t malaki ang tsansang tataas dahil sa malawakang pagbaha na dala ng nagdaang bagyo halimbawa na sa Bicol.

Paalala ng ahensya, agad tumungo sa malapit na health centers ang sinumang indibidwal na lumusong sa baha lalong-lalo na sa kasagsagan ng bagyo.

Ang pagkakaroon ng lagnat, pagsusuka, pananakit ng ulo at kalamnan ang ilan sa mga sintomas ng leptospirosis.