Kaso ng tigdas sa Bansa, tumaas — DOH

Isang seryosong banta sa kalusugan ng publiko ang tigdas, lalo na sa mga batang hindi pa nababakunahan.

Dahil dito, mas pinabilis ng Department of Health (DOH) ang kanilang kampanya sa pagbabakuna upang mapigilan ang patuloy na pagkalat ng sakit.

Sa isang immunization drive sa Binondo, Maynila, daan-daang bata ang nabigyan ng proteksyon laban sa tigdas, sa tulong ng lokal na pamahalaan at pribadong sektor.

Ayon sa mga eksperto, ang tigdas ay isang lubhang nakahahawang sakit na maaaring humantong sa malubhang komplikasyon tulad ng pulmonya at encephalitis.

Sa kabila ng pagiging ligtas at epektibo ng bakuna, may ilan pa ring magulang ang nag-aatubiling pabakunahan ang kanilang mga anak dahil sa takot sa posibleng side effects.

Kaya naman patuloy ang DOH sa pagpapalaganap ng tamang impormasyon upang mahikayat ang mas maraming pamilya na magpabakuna at maprotektahan ang kanilang mga anak laban sa sakit.