“King of Surf Rock” Dick Dale, pumanaw na sa edad na 81

Pumanaw na ang binansagang “King Of Surf” guitarist na si Richard Anthony Monsour o mas kilala bilang Dick Dale sa edad 81.

Ito ang kinumpirma ng kaibigan at live bassist nitong si Sam Bolle.

Kasunod nito ay agad na bumuhos ang pakikiramay at pagbibigay pugay sa legendary musician mula sa mga kasamahan sa industriya at taga-hanga.

Taong 2012 nang ibahagi ng American Rock Guitarist ang pakikipaglaban nito sa sakit na cancer at diabetes.

Si Dick ang tinaguriang pioneer ng Surf Rock Sound na sumikat noong dekada 60.

Pinaka nakilala si Dick sa awitin nitong Misirlou kasama ang bandang the Del Tones.

DZARNews