LGU officials na kinukunsinte ang POGO operations, hahabulin

Tutugisin ng gobyerno ang sinumang LGU (local government unit) officials na hinihayaang makapagpatuloy ang operasyon ng mga Philippine Offshore Gaming Operators (POGO) sa kani-kanilang mga lugar na nasasakupan.

Ayon ito sa Presidential Anti-Organized Crime Commission (PAOCC).

Lalo na anila na ipinag-utos na ng pangulo ng bansa ang nationwide ban nito.

Mapapansin na sa isang dokumento na isinumite ng League of Cities of the Philippines at League of Municipalities of the Philippines, nasa 402 illegal POGOs ang nag-ooperate sa buong bansa.