Libreng mobile showers, inaalok ng Valenzuela City sa kanilang mga residente ngayong tag-init

Nagpakalat ng 2 mobile showers ang Valenzuela City para sa mga lugar ng lungsod na apektado ng water supply interruptions.

Nitong April 30, ay nasa Barangay Gen T. de Leon at Parada ang mobile showers.

Ayon sa lokal na pamahalaan, lilibot naman ang mobile showers sa ibat-ibang barangay.

Hakbang ito ng Valenzuela upang maiwasan na magkaroon ng heat-related health problems ang kanilang mga residente sa gitna ng pawala-wala na water supply.