Little Anne Curtis, isinilang na

Maayos at ligtas na isinilang ng tv host-actress na si Anne Curtis ang kanyang malusog na baby girl sa asawang si Erwann Heussaff.

Nanganak si Anne sa isang ospital sa Melbourne, Australia kahapon March 2.

Sa twitter post ng celebrity lawyer na si Atty. Ferdinand Topacio unang nakumpirma ang panganganak ni Anne na may caption “Congratulations to Ms. Anne and Sir Erwann. It’s a girl.”

Gayunman, wala pang official statement sina Erwann at Anne tungkol sa pagsilang ng kanilang first baby.

Bumuhos naman ang mensahe nang malalapit na kaibigan ng couple sa pagdating ng bagong blessing sa kanilang buhay.

Matatandaang inanunsyo ni Anne ang kanyang pagbubuntis noong November, 2019 at inaasahan ngang baby girl ito.

Nito lang December ay nag-maternity leave si Anne para lumipad patungong Australia.