Lottery system, pwedeng mamanipula ng officials na may access sa “root server”

Maaaring manipulahin ng isang opisyal ng Philippine Charity Sweepstakes Office (PCSO) ang lottery system kung may access ito sa “root server”.

Ayon ito mismo kay PCSO- Information Technology Services Department Officer-in-Charge Manager May Cerelles.

Sa pahayag ng IT officer, ang may main access sa “root server” ay sina PCSO General Manager Mel Robles at Assistant General Manager Arnel Casas.

Nilinaw naman ni Cerelles na maliban sa 2 opisyal, naroon rin ang team mula sa Commission on Audit (COA) habang tinitingnan kung tugma ang mga numero ng bettors sa panalong kombinasyon.