Magagarbong kwarto sa KOJC Compound, ipinaliwanag

Binigyang linaw ni Kingdom of Jesus Christ (KOJC) legal counsel Atty. Israelito Torreon ang isa sa mga ginagawang malisyosong isyu laban kay Pastor Apollo C. Quiboloy.

Ito ay ang tungkol sa magagarbong kwarto sa loob ng KOJC Compound.

Sa isinagawang press conference nitong Martes, Setyembre 3, 2024, sinabi ni Atty. Torreon na magaganda ang lahat ng pasilidad sa KOJC dahil ito ang naglalarawan sa characteristic ng butihing pastor.

Kaugnay nito, sinabi ng abogado na ang ginagawang isyu ni Nicholas Torre ng Philippine National Police (PNP)- Region 11 ay para sirain lamang ang imahe ni Pastor Apollo sa publiko.

Inililihis din aniya ni Torre ang atensyon ng publiko para maitago ang kanilang kabiguan na makita ang butihing pastor sa kabila ng walang resultang pananatili at iligal na paghahalughog dito ng libo-libong pulis sa loob ng 12 araw.