Mahigit 1K trabaho, iniaalok sa Mega Job Fair ng Caloocan City Day

Sinimulan kaninang alas otso ng umaga ang Mega Job Fair na nag-aalok ng mga trabaho para sa mga residente ngayong Caloocan City day.

Sa pakikipagtulungan ng Caloocan City Public Employment Service Office sa pamunuan ng SM Super Malls ay idinaraos ang job fair sa SM Grand Central na dinagsa ng mga job seeker.

Kaugnay nito’y kinumpirma ng local government unit na libu-libong trabaho mabibigyan ng trabaho mula sa 22 partner private companies na kalahok sa job fair.

Kaugnay nito, nangako ang lokal na pamahalaan sa mga aplikanteng hindi papalarin na makakuha ng trabaho dahil may kasunod pang mga job fair at livelihood programs ang idaraos sa mga susunod na linggo.