Mahigpit na pagpapatupad ng enhanced community quarantine, sinimulan na

Mahigpit nang ipinatutupad ang enhanced community quarantine sa buong Luzon simula ngayong araw.

Isa-isa nang sinusuri ng mga otoridad ang mga bukas na establisyimento sa Metro Manila para tiyakin kung pinayagan nga itong magbukas sa ilalim ng bagong kautusan ng Pangulong Rodrigo Duterte.

Sa ilalim ng enhanced community quarantine, ang pinayagan lang na magbukas na mga establisyimento ay ang mga sumusunod:

• public markets,
• supermarkets,
• groceries,
• convenience stores,
• hospitals,
• medical clinics,
• pharmacies/drug stores,
• food preparation at delivery services,
• water-refilling stations,
• mga banko,
• money transfer services,
• pati na rin ang power, energy, water at telecommunications supplies at facilities.