National News
Makabayan party-list, huwag iboto – Pang. Duterte
Umapela si Pangulong Rodigo Duterte sa publiko na ‘wag iboto ang mga Makabayan party-list group sa nalalapit na eleksyon.
Sa kanyang Talk to The People kagabi, Marso 30 binanggit ni Pangulong Duterte na ang Makabayan party-list group na Kabataan, Anakpawis, Bayan Muna, ACT Teachers at Gabriela ay legal fronts ng Communist Party of the Philippines (CPP).
Sinabi pa ni Pang. Duterte na ang mga rebeldeng komunista ay kumikita mula sa pag-endorso ng mga kandidato.
Pinayuhan din ni Duterte ang mga kandidatong gustong mangampanya sa mga “critical areas” na kumunsulta muna sa pulisya o militar para sa kanilang seguridad.