Mass testing para sa COVID-19, maaari nang simulan sa susunod na linggo

Target ng pamahalaan na simulan sa susunod na linggo ang mass testing para sa mga perons under investigation (PUI) at person under monitoring (PUM).

Ito ang sinabi ni Presidential Adviser For Peace Sec. Carlito Galvez, ang tumatayong chief implementer of the National Action Plan (NAP) against Coronavirus Disease 2019 (COVID-19).

Ayon kay Galvez, bunsod ito ng pag-apruba ng Research Institute on Tropical Medicine (RITM) sa accreditation ng 9 na ospital para maging pasilidad ng COVID-19 testing.

Ayon sa opisyal, target nilang simulan ang massive COVID-19 testing sa ABRIL 14, pagkatapos ng implementasyon ng enhanced community quarantine.