Mensahe ng bagong PNP chief, nakatuon sa maayos at tamang serbisyo publiko

Muling ipinaalala ng pamunuan ng Philippine National Police (PNP) sa mga tauhan nito na dapat ibigay sa mamamayan ang angkop at nararapat na serbisyo.

Ito ang binigyang diin ni PNP Chief P/Gen. Rommel Francisco Marbil sa kanyang kauna-unahang flag raising ceremony sa Kampo Krame, Lunes ng umaga, ika-8 ng Abril.

Ayon sa heneral, dapat maging puso ng mga pulis ang gawing ligtas ang mamamayan sa gitna ng pagganap sa kanilang tungkulin dahil pinasusuweldo sila ng taongbayan.

Kasama sa dumalo sa seremonya ang mga miyembro ng command group gayundin ang iba pang matataas na opisyal ng Pambansang Pulisya.