Mga dating kalihim ng DOH, nagpahayag ng suporta kay Sec. Herbosa

Nagpahayag ng suporta ang mga dating pinuno ng Department of Health (DOH) sa bagong secretary nito na si Dr. Ted Herbosa.

Ang ‘Secretaries Night’ na ginanap sa Seda Vertis North Hotel noong July 23, ay dinaluhan kasi ng mga dating kalihim at maging dating officer in charge mula sa Macapagal-Arroyo, Ramos, at Duterte administrations.

Kabilang sa mga ito ay sina dating OIC Dr. Maria Rosario Singh-Vergeire, former Secretaries Enrique Ona, Esperanza Cabral, Jaime Galvez-Tan, at Paulyn Jean Rossell Ubial.

Doon sa pagtitipon ay inihayag nila ang suporta sa bagong kalihim.

Sinabi naman ni Herbosa na kung hindi sa mga dating hepe ng ahensya ay hindi mararating ng kagawaran ang narating nito ngayon.

Matatandaan na kamakailan ay nagdiwang ng 125th anniversary ang DOH.