Mga gumaling sa COVID-19 sa Pilipinas, mas marami na kaysa sa mga namatay

Nadagdagan ng 230 ang bilang ng COVID-19 cases sa Pilipinas sa nakalipas na 24 oras.

As of 4pm ngayong araw, umabot na sa 5,453 ang bilang ng kaso ng COVID-19 sa bansa ayon sa .

Nalagpasan naman ang bilang ng mga nasawi sa bilang ng mga nakarekober sa COVID-19.

Sa tala ng DOH, nasa 353 na ang bilang ng mga gumaling sa sakit habang 349 naman ang kabuoang bilang ng mga namatay.

Nakapagtala ang Health Department ng 58 bagong nakarekober habang 14 naman ang nadagdag sa mga namatay sa nakalipas na magdamag.