Mga hakbang upang labanan ang epekto ng dry spell, sinang-ayunan ng El Niño team ng gobyerno

Makikipagtulungan ang mga ahensya ng weather forecasting ng gobyerno sa mga lokal na komunidad at agricultural area para sa El Niño phenomenon forecasting at dam status monitoring.

Ito ay alinsunod sa napagkasunduan sa isang kamakailang pagpupulong ng El Niño team.

Ayon sa Presidential Communications Office (PCO), sumang-ayon ang El Niño team na isama ang historical data sa El Niño on irrigation system upang magsilbing reperensiya sa ilang mga komunidad.

Nais din ng nasabing team na bigyang-diin ang residual impacts ng dry spell, na maaaring magpatuloy sa isang partikular na panahon at gawin itong isang reference source para sa mga stakeholder.

Ang El Niño forecasting at dam status monitoring ay isasagawa ng data analytics group sa pakikipag-ugnayan sa Department of Information and Communications Technology (DICT), Department of Science and Technology (DOST), at Philippine Atmospheric, Geophysical and Astronomical Services Administration (PAGASA).

Kabilang sa iba pang mga napagkasunduang action plan at intervention ang pagsasagawa ng mga workshop, pagsasanay at seminar kasama ang kanilang mga partner entity tulad ng Philippine Disaster Resilience Foundation (PDRF).

Tatalakayin din ang mga pinakamahusay na kasanayan at ang mga karanasan ng ibang mga bansa sa El Niño.

Sa iminungkahing workshop para sa pagbuo ng isang National El Niño Team (NENT) Dashboard, pumayag ang El Niño team na magsagawa ng workshop para sa mga miyembro nito.

Ang NENT Dashboard ay magsisilbing database para sa National El Niño team.

Sumang-ayon din ang team na magplano at maghanda para sa isang araw na workshop kasama ang iba pang ahensya ng gobyerno tulad ng DICT, National Economic Development Authority (NEDA), Department of Interior and Local Government (DILG), Department of Agriculture (DA), Department of Environment and Natural Resources (DENR), Department of Energy (DOE), Department of Health (DOH), Office of Civil Defense (OCD), kasama ang DOST-PAGASA bilang mga kalahok na ahensya.

Ang workshop ay naka-iskedyul sa Setyembre 6.

Inaprubahan din ang pagsasama ng DICT bilang bahagi ng Strategy Management Unit at Technical Working Group.

Ang team, gaya ng napagkasunduan, ay muling susuriin ang panukalang tanggalin ang Department of Social Welfare and Development (DSWD) bilang miyembro ng secretariat.