Mga lalabag sa ECQ sa Davao City, hindi bibigyan ng libreng hospitalization – Mayor Sara Duterte

Napagdesisyunan ng alkalde ng Davao City na hindi niya bibigyan ng libreng hospitalization ang sinumang mamamayan ng lungsod na susuway sa mga protocol sa panahon ng enhanced community quarantine.

Sinabi ito ni Davao City Mayor Sara Duterte sa Southerrn Philippines Medical Center (SPMC).

Ang anunsyong ito ay ginawa ng alkalde matapos makita na marami pa ring mga sasakyan ang bumabiyahe sa lungsod sa kabila nang pinapatupad ng curfew hour.

Matatandaang nagpatupad na rin ng enhanced community qurantine ang Davao City upang maiwasan ang pagkalat nang kinatatakutang virus.

Samantala, ilalagay ni Mayor Sara ang kanyang isang taon sweldo sa isang trust fund ng lungsod para matulungan ang mga frontliner sa Davao City na lumalaban sa Coronavirus Disease 2019 (COVID-19).