Mga naapektuhan ng pagputok ng Bulkang Kanlaon, sumailalim sa Voters Education ng Comelec

Pinangunahan ni Commission on Elections (Comelec) Chairman George Garcia ang Voters Education sa mga evacuee sa La Carlota City na naapektuhan ng pagputok ng Bulkang Kanlaon noong Disyembre 2024.

Layunin ng programa na hikayatin ang mga residente na makibahagi sa darating na halalan sa Mayo 12 sa kabila ng kanilang sitwasyon.

Itinuro sa kanila ang tamang proseso ng pagboto mula sa shading ng balota hanggang sa paggamit ng counting machine.

Tiniyak ng Comelec na walang magiging failure of elections sa lugar at may nakahandang contingency plan kung lumala ang aktibidad ng bulkan, na kasalukuyang nasa Alert Level 3.